Khubsoorat kya hai??

Khoobsurat hai har wo surat jo maa jaisi lagti hai 👩

Khoobsurat hai har wo baat jismei papa ki ek tasveer jhalakti hai 👨

Khoobsurat hai har wo dil jo kisi aur ke liye dhadakta hai ❤

Khoobsurat hai wo parwana bhi jo roshni ke liye tadapta hai

Khoobsurat hai wo aankhe jo kisi ki takleef ko pehchan leti hai 👀

Khoobsurat hai wo maa bhi jo bin kahe bacche ki  bhook ko jaan leti hai

Khoobsurat hai wo chhota sa baccha jo duniyadaari se anjaan hai 👶

Khoobsurat hai wo aulaad bhi jiske liye maa baap hi bhagwan hai 👪

Khoobsurat hai wo bachpan jo dosto ke sath guzra hai 👯👯

Khoobsurat hai wo jawaani bhi jismei pyar ka samandar utra hai 💕💕

Khoobsurat hai wo raahgeer jo raaho ke gaddho ko bhar deta hai 

Khoobsurat hai wo raasta bhi jo manzil tak jaya karta hai

Khoobsurat hai wo kokh jismei ek nayee zindagi panapti hai

Khoobsurat hai maa ki wo churi bhi jo rotiya banate hue khanakti hai

Khoobsurat hai wo tara jo mannat ban kar toot-ta hai  🌌

Khoobsurat hai wo rishta bhi jo baat baat par nahi roothta hai

Khoobsurat hai wo buzurg jiski jhurriyo mei tajurba jhalakta hai 👴

Khoobsurat hai wo aansu bhi jo khushi ban kar aankho se chhalakta hai

Khoobsurat hu mai agar maine zindagi muskura kar jeene ka vaada kiya hai

Khoobsurat ho tum bhi agar tumne kisi ek insaan ka bhi gum aadha kiya hai ☺☺☺